Boð í tilefni 140 ára afmælishátíðar Lækjarskóla
Í ár eru liðin 140 ár frá stofnun Lækjarskóla. Skólinn sem áður hét Barnaskóli Hafnarfjarðar og Barnaskóli Garðahrepps þar á undan á sér samfellda sögu frá árinu 1877. Upphaf skólans má rekja til þess að prófastshjónin á Görðum, þau Þórarinn Böðvarsson og Þórunn Jónsdóttir gáfu fé til minningar um son sinn Böðvar, til að koma á fót alþýðuskóla.
Skólinn mun af þessu tilefni halda afmælishátíð í skólanum þann 18. október næstkomandi og hefst dagskráin kl. 9.30 árdegis og stendur til kl. 10.30. Gestum verður boðið upp á hressingu og gefst þeim tækifæri til að skoða skólann og verkefni nemenda tengd afmælishátíðinni. Móttöku gesta lýkur kl. 11.30.
Okkur í Lækjarskóla væri það sönn ánægja ef þú/þið ættuð þess kost að fagna þessum tímamótunum með okkur.
Dagskrá 140 ára afmælishátíðar Lækjarskóla 18. október 2017
kl 8:10-9:10 Kennsla samkvæmt stundaskrám
kl 9:10-9:30 Frímínútur
kl. 9:30 Afmælisdagskrá á hátíðarsal skólans
- Ávörp
- Kórsöngur, upplestur og tónlistaratriði
- Afhjúpun steingervings
- Afhending gjafar frá foreldrafélaginu
kl. 10:30-11:30 Gestum boðið að ganga um skólann og heimsækja nemendur og kennara í kennslustofur og skoða verkefni nemenda sem unnin hafa verið í tengslum við afmælishátíðina. Þema verkefnanna er innlit í 140 ára sögu skólans.
Afmælisveitingar; ávextir og smákökur í boði skólans
kl. 11:00 Nemendur og kennarar fara um skólann og skoða afrakstur þemavinnunnar
kl. 11:45 Hádegishressing nemenda í heimastofum – verkefni við hæfi hvers hóps þar til skóla lýkur
kl. 13:20 Lok skóladags – gleðilegt vetrarfrí!