Spjaldtölvur í 10. bekk
Í dag fengu nemendur í 10. bekk afhentar spjaldtölvur til nota í námi sínu. Spjaldtölvuinnleiðingin er spennandi verkefni og verður gaman að fylgjast með því hvernig nemendum og kennurum gengur að nota tækin í fjölbreyttri og skemmtilegri vinnu. Spjaldtölvuinnleiðingin byrjar á unglingastigi og heldur áfram á miðstigi frá og með næsta hausti. Fyrir lok janúar mánaðar fer einnig fram ipad afhending til nemenda í 8. og 9. bekk.
Í síðustu viku voru haldnir tveir kynningarfundir fyrir foreldra nemenda á unglingastigi sem voru ágætlega sóttir og voru upplýsandi og fræðandi fyrir foreldra.
Það er Helgi S. Karlsson sem heldur utan um verkefnið í Lækjarskóla.