Lestrarkeppni grunnskóla hefst 18. janúar
Kæru foreldrar.
Næsta mánudag 18. janúar, fer af stað keppni á milli grunnskóla ofl. á Íslandi,
um flestar setningar lesnar inn á "Samróm" (sjá hér fyrir neðan). Þið
getið tekið sjálf tekið þátt og þið verðið að veita samþykki fyrir því að
börnin ykkar taki þátt, með skráningu, sjá https://www.samromur.is/tala - Taka
þátt - Mín rödd. Sjá einnig: (1) Samrómur | Facebook
Tilgangurinn er þessi:
Til þess að tölvur og tæki skilji íslensku svo vel sé þá þarf mikinn fjölda
upptaka af íslensku tali frá allskonar fólki. Þess vegna þurfum við þína
aðstoð, með því að smella á "Taka þátt" þá getur þú lesið upp nokkrar
setningar og lagt "þína rödd" af mörkum. Þetta er stórt samstarfsverkefni
stofnana og fyrirtækja til þess að gera íslensku gjaldgenga í tölvum og tækjum.
Að því koma íslenskir háskólar, stofnanir, fyrirtæki og félagasamtök, sem munu
á næstu árum þróa nauðsynlega innviði fyrir hugbúnað sem skilur og talar íslensku.
Samrómur verður hluti af þessu verkefni, opið gagnasafn raddsýna fyrir íslensku
sem hver sem getur notað til þess að þróa sínar máltæknilausnir. Með þessu
tryggjum við öryggi íslenskunnar á stafrænum tímum. Til mikils er að vinna
fyrir skólana.
Hver vinningsskóli mun fá 3 Sphero bolts vélmenni en vélmennin tengja saman
leik og forritunarkennslu og eru hönnuð til að ýta undir forvitni, sköpun og
nýjar uppgötvanir. Hér er hægt að lesa nánar um Sphero Bolt Til að rifja upp
stemmninguna er hér fréttaskot frá keppninni í fyrra sem var æsispennandi.