Þrívíddarprentari í Lækjarskóla
Við erum aldeilis kát og glöð með nýja þrívíddarprentarann sem skólinn færði nemendum að gjöf fyrir frábæra frammistöðu í lestrarkeppni Samróms, en Lækjarskóli náði 2. sæti í sínum flokki og 7. sæti á landsvísu.
Prentarinn er nú staðsettur á bókasafninu þar sem nemendur geta fylgst með prentun á þrívíddar-verkefnum sínum í framtíðinni. Þetta tæki mun t.d. nýtast í forritunar- og tölvukennslu í eldri bekkjum og síðar meir í fleiri námsgreinum á öllum aldursstigum.
Eins og þið vitið þá myndaðist mikil stemning fyrir lestrarkeppninni; foreldrar og heilu fjölskyldurnar létu sitt ekki eftir liggja og tóku þátt. Stefnan er að komast alla leið á Bessastaði næsta ár og þessi góða gjöf hvetur okkur sannarlega til dáða.