Ef nemandi greinist með Covid19
Kæru foreldrar/forráðamenn
barna í Lækjarskóla.
Það hlaut að koma að því að veiran myndi læðast inn til okkar hér í
Lækjarskóla. Eins og staðan er núna eru smit í þremur árgöngum skólans.
Smitrakning í samvinnu við smitrakningarteymið hefur gengið mjög vel og þið
foreldrar hafið verið jákvæð þegar við höfum þurft að hringja í ykkur vegna
sóttkvíar. Takk fyrir það.
Það er mikið álag á smitrakningarteyminu og þegar barn er smitað heyrum við
yfirleitt fyrr frá ykkur en sjálfu teyminu. Til þess að við getum byrjað að
vinna forvinnuna er mikilvægt að þið sendið tölvupóst á okkur um leið og jákvæð
niðurstaða berst ykkur.
Tölvupósturinn á að fara á Dögg skólastjóra dogg@laekjarskoli.is og Örnu
aðstoðarskólastjóra arna@laekjarskoli.is
.
Kærar þakkir með ósk um áframhaldandi gott samstarf á þessum furðulegu tímum.
Dögg Gunnarsdóttir, skólastjóri.
