Fréttir úr skólanum

Gaman að byrja í Lækjarskóla

Föstudagur, 03 September 2010 08:43
Nú er skólastarfið hafið og mikið um að vera hjá yngri kynslóðinni sem voru að hefja sína skólagöngu. Hér sjáum við áhugasama nemendur í 1. bekk velja sér staði í bekkjarstofunni til að skoða bækur sem þau völdu sér á bókasafni skólans.

Við upphaf skólaárs

Mánudagur, 23 Ágúst 2010 10:56

Kæru nemendur, foreldrar og forráðamenn nemenda í Lækjarskóla.

Ég vona að þið hafið haft það gott í sumar.

Í byrjun ágúst tók Arna Björný Arnardóttir við starfi aðstoðarskólastjóra í Lækjarskóla af Höllu Þórðardóttur. Um leið og ég býð Örnu velkomna til starfa þakka ég Höllu gott og farsælt starf við skólann og óska henni velfarnaðar í framtíðinni.

Í dag mánudaginn 23. ágúst er skólasetning í Lækjarskóla og er hægt að lesa nánar um hana á heimasíðu skólans.

Í vetur verður rekstrarform mötuneytis nemenda og starfsmanna með breyttum hætti þar sem að fyrirtækið Skólamatur ehf hefur tekið að sér að elda mat fyrir nemendur og starfsmenn skólans. Hér má finna nánari upplýsingar um fyrirkomulag og skráningu í mötuneyti nemenda. Nánari upplýsingar um Skólamat ehf má finna á heimasíðu fyrirtækisins, http://skolamatur.is/

Skóladagatal er á heimasíðu Lækjarskóla, http://www.laekjarskoli.is/efni/pdf/skolad10-11.pdf auk þess sem það verður sent heim með nemendum á fyrstu starfsdögum skólans. Því miður var skóladagatalið á heimasíðu skólans með röngum upplýsingum um nokkurt skeið í sumar. Ég biðst velvirðingar á þessum mistökum sem þegar hafa verið leiðrétt og vona að þetta hafi ekki komið að sök.

Ég hlakka til að sjá ykkur.

Kær kveðja,
Haraldur Haraldsson,
skólastjóri Lækjarskóla.

Lækjarskólakór 2010 – 2011

Mánudagur, 23 Ágúst 2010 10:38

Nú eru að hefjast æfingar hjá skólakór Lækjarskóla. Kórinn er opinn öllum nemendum í 1. – 2. bekk Litli kór, 3. – 4. Miðkór og 5. – 10. bekk. Stóri kór. Einu inntökuskilyrðin eru þau að hafa gaman af því að syngja, og að syngja með kórnum þegar syngja á t.d. um jól, útskrift og fleira. Mjög gott væri að þeir sem hafa áhuga taki ákvörðun strax og hafi samband við
Ólöfu tónmenntakennara: Netfang: Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það. , Ekki er hægt að bæta við nemendum í kórinn eftir 1. október.
Fyrsta æfingin hjá Litla kór verður þriðjudaginn 7. september, og hefst klukkan 13.10 og stendur til 14.00.
Fyrsta æfingin hjá Miðkór verður miðvikudaginn 8. september, og hefst klukkan 13.10 og stendur til 14.00.
Stóri kór æfir mánudaga (raddæfingar)
Sópran kl. 15:30, Alt kl. 16:00 Sópran efri kl. 16:30.
Samæfingar verða á fimmtudögum kl. 16 - 17. Fyrsta æfingin hjá eldri kórnum verður haldin í tónmenntastofunni fimmtudaginn 9. September, kl. 16.
Æfingatímarnir munu svo haldast óbreyttir út veturinn.
Hlakka til að sjá sem flesta,
Ólöf Björg Guðmundsdóttir, tónmenntakennari og kórstjóri.

Skólasetning

Fimmtudagur, 12 Ágúst 2010 18:17

Skólasetning verður í hátíðarsal Lækjarskóla mánudaginn 23. ágúst 2010.

Nemendur mæti sem hér segir:
Kl.   9:00    8., 9., og 10. bekkir
Kl. 10:00     5., 6. og 7. bekkir
Kl. 11.00     3. og 4. bekkir
Kl. 12:00     2. bekkur
Kl. 13:00     1. bekkur

Nemendur fjölgreinadeildar mæti í Menntasetrið við Lækinn sem hér segir:
Kl. 10:00 9. og 10. bekkir

Nemendur í móttökudeild mæti til skólasetningar kl. 10 mánudaginn 23.ágúst næstkomandi
Начало занятий для учащихся приёмного отделения в 10.00 в понедельник 23 августа
Uczniowie z Oddziału Integracyjnego (móttökudeild) przychodzą na rozpoczęcie roku szkolnego 23 sierpnia na godzinę 10:00

Foreldrar eru hvattir til þess að koma með börnum sínum.
Kennsla hefst síðan samkvæmt stundaskrá þriðjudaginn 24. ágúst nema hjá 1. bekk, þar verða foreldraviðtöl.

Innkaupalistar eru á heimasíðu skólans og þar er einnig skóladagatal fyrir skólaárið 2010-2011 ( undir „Aðalvalmynd – Skólinn“ ).

Skólastjóri

Sumarlokun skrifstofu

Fimmtudagur, 24 Júní 2010 09:57

Skrifstofa Lækjarskóla verður lokuð frá og með fimmtudeginum 24. júní og opnar aftur að loknu sumarleyfi þann 4. ágúst.

Skólasetning verður mánudaginn 23. ágúst og verður tímasetning auglýst síðar.
Skóladagatal fyrir skólaárið 2010-2011 er á heimasíðu skólans (undir skólinn).

Starfsfólk Lækjarskóla óskar nemendum og foreldrum þeirra góðra stunda í sumar.