Útskrift

14.6.2016

Brautskráning nemenda úr 10. bekk var þriðjudaginn 7. júní s.l.  Þar mættu nemendur prúðbúnir ásamt aðstandendum og kvöddu kennara sína og samnemendur. Arna Arnardóttir, aðstoðarskólastjóri rifjaði upp það helsta frá liðnum vetri. Hrönn Arnarsdóttir, deildarstjóri hvatti nemendur til að vera bestu útgáfu af sjálfum sér. Kolbrún María Einarsdóttir talaði fyrir hönd útskriftarnema og fórst það vel úr hendi. Mörg verðlaun voru veitt fyrir góðan námsárangur í hinum ýmsu fögum ásamt ástundunar-og framfaraverðlaunum.  Rótaryklúbbur Hafnarfjarðar veitti  þeim sem var með hæstu samanlögðu einkunnina, bókarverðlaun. Haraldur Haraldsson, skólastjóri sleit síðan skólanum. Eftir útskriftarathöfnina var boðið í kaffi og meðlæti í matsal skólans.