Upplestrarkeppni Lækjarskóla 2022
Miðvikudaginn 9.mars fór fram upplestrarkeppni í 7.bekk í Lækjarskóla. Þrettán nemendur, sem höfðu komist áfram eftir forkeppni í skólanum tóku þátt og lásu upp bókmenntatexta og ljóð fyrir áhorfendur.
Upplestrarkeppnin hófst formlega á degi íslenskrar tungu þann 17.nóvember og hafa nemendur æft sig vel og vandlega í vetur og hafa kennarar lagt miklu áherslu á vandaðan upplestur og framsögn.
Það er óhætt að segja að þátttakendur hafi staðið sig með miklum sóma og voru dómarar mjög ánægðir með keppendur en í dómnefndinni voru þær Ingibjörg Einarsdóttir, Hafrún Dóra Júlíusdóttir og Draumey Aradóttir.
Gunnar Dagur Andrésson, nemandi í 7.bekk spilaði á trompet við góðar undirtektir og kynnir í ár var rithöfundurinn og nemi í unglingadeild Lækjarskóla Smári Hannesson.
Sigurvegarar í ár voru þau Katrín Anna Húbertsdóttir og
Ágúst Arnarsson en Helga Hjartardóttir verður til vara. Einnig mun Wiktoria
Jajewska
lesa ljóð á pólsku á lokahátíð Stóru upplestrarkeppninnar sem mun
fara fram í Víðistaðakirkju 22.mars.
