Dagur gegn einelti
Miðvikudaginn 8. nóvember tökum við þátt í verkefninu „Dagur gegn einelti“. Þennan dag ætlum við að hafa grænan dag, þ.e. mæta í grænum fötum eða með eitthvað grænt á okkur.
Við viljum að öllum nemendum okkar líði vel í skóla og jákvæður skólabragur skiptir sköpum fyrir líðan og starfsgleði nemenda og starfsfólks. Þess vegna er svo mikilvægt að leggja áherslu á virðingu, samkennd, jákvæð samskipti og skilning. Þennan dag verður í Lækjarskóla lögð áhersla á fræðslu gegn einelti og ýmis verkefni unnin af nemendum í tengslum við samskipti og vináttu. Allir nemendur og starfsfólk skólans mega mæta í einhverju grænu í skólann þennan dag.